Каханне стварае паэтаў
I нараджае жыццё…
Гавораць, ніколі не купіш
Цудоўнае ты пачуццё!
Гавораць, яно акрыляе,
Гавораць, яно назаўжды,
Гавораць, што кожны спазнае
Яго хоць аднойчы ў жыцці!..
(Сяргей Давідовіч).
11 лютага 2021 года ў 7 “Е” класе прайшла незвычайная класная гадзіна пад назвай “Усё пачынаецца з кахання…” , прысвечаная Дню Святога Валянціна. Дзень Святога Валянціна – гэта пробліск вясны сярод зімы і снегу. Бо нішто так не сагравае, як цёплыя пажаданні, прызнанні ў каханні і песні, прысвечаныя гэтаму цудоўнаму пачуццю. Вучні пазнаёміліся з гісторыяй свята, яго традыцыямі, паслухалі вершы беларускіх пісьменнікаў пра каханне. Напрыканцы мерапрыемства вучні абмяняліся валянцінкамі.
